الجزء التاسع من بصرخ وأقول الآه

**محاسن بيومي**

ميلاد أمه
جورج معاه عبد الرحمن
قرب لي يلا بسرعة كمان
يوم نصر مصر على العدوان
باركت لنا ملايكة رحمان
وجورج معاه عبد الرحمان
يوم الإيمان أصدرنا بيان
سبحنا مولى جرس وأدان
يومها اتولد فجر الشجعان
والقلب كان ع القلب كمان
جورج معاه عبد الرحمن
واليد واحدة وزادنا وحدة
يبقى لبهدف وحدة أوطان
جورج معاه عبد الرحمن
للفتنة قاهر والطغيان
قرب لي آخدك بالأحضان
راح نحترم كل الأديان
قوم بينا صلي على العندنان
من أوس خزرج أو نجران
شهدت جميعها إن الإسلام
دين ع السلام أمين وأمان
شهدت لنا آيات القرآن
أدخلوا مصر بكل أمان
ده جورج معاه عبد الرحمن
هدية غالية من الرحمن
قمر منور في الأوطان
ولا يقهرنا عدو جبان
ده جورج معاه عبد الرحمان

مصرية مصرية
وبطبعي عشرية
مهما تحيط بيا
يا ديابة بشرية
مصرية مصرية
والأصل من طبعي
يارموش عيوني اوعي
من كلمة تنخدعي
دا السم في الحية
مصرية مصرية
عارفة حدود ديني
الحب تكويني
والرب يحيمني
مصرية مصرية
باكل درة نيلي
واعشق نجوم ليلي
أنا كلي حنية
مصرية مصرية
أصل الخنضفر ديب
بخيوطه حواليا
فاكر هيبقى حبيب
دا أنا أمي مصرية
والأصل تربية
مصرية مصرية
باعرف قسم ونصيب
وأديان ورب قريب
مش سلعة مرمية
مصرية مصرية
يا أعمى قلب وعين
يا أبو زوجة أو بنتين
زيك ما فيش اتنين
ماهي خيبة وقوية
مصرية مصرية
مهما تطوف وتشوف
في الدنيا ياما ارفوف
واحنا عليها ضيوف
راح يكبروا وهاتشوف
ثمرة شقاك ديا
وأنا قلت مصرية
مصرية مصرية
وساعتها بعد فوات
وف كلمة بعد سكات
تعرف بكل ثبات
إن اللي فات مامات
لأ حي يا عنيا
مصرية مصرية
وكمان بنات الناس
ماهيش مباحة خلاص
دي الجنة ما تنداس
لجبان عديم إحساس
للملك دي هدية
مصرية مصرية

الخصخصة
يا بلادنا وقسموكي
واتوصوا بيا أنا
يا بلادنا وخصخصوكي
للأخ وللضنا
يابلادنا وقسموكي
وبقولها من هنا
مش عاوز آخد صكوكي
هافضل فقير أنا
وبلادنا تضمنا
مش عاوز أركب شيروكي
هاركب حمار أنا
يا بلدنا وقسموكي
ناويين تاني يبعوكي
مش ناقص إلا أنا
يابلدنا وقسموكي
وكمان هايقسموني
أو يمكن هايبعوني
وعشان ماليش تمن
مين يشتري الحزين
تايه من غير وطن
يا بلادنا وقسموكي
واتوصوا بيا أنا
يا مثبت العقول
باصرخ أنا وبقول
أدمنت أكل الفول
مش عاوز كفته أنا
طعمية اتضمنا
وعلينا حنينة
يا مثبت العقول
خلصت كل الحلول
أمال راح فين تاريخنا
أو عهد مجدنا
يا بلادنا وقسموكي
واتوصوا بينا
أنا أنا آآآآآ

بسم الله
آه يا مه يا أمايا
وبقولها جوايا
يا أحلا وردة
في الغربة تحلا
وف بحر حبك المر يحلا
آه يا مه يا مايا
فاتت سنة واتنين
واليوم ساعاته سنين
محتاج لقلبك
ضميني ضمي
مين غيرك انت أشكي له همي
باحضن يا غالية اسمك وأسمي
آه يا مه يا مايا
باحضن يا غالية اسمك وأسمي
بسم الله الرحيم
يشفي الجرح الأليم
بسم الله الرحيم
حبك سكن الصميم
للكون ده يساع فؤادك
آه ومهما يطول بعادك
أرجع زاحف أهيم
بسم الله الرحيم
أحضن وأبوس ترابك
ينزف دمع الحنين
وابكي ع السنين
على الوفا بالدين
وحشاني يا مه والله
بادعي اللي أساء إليكي
يرجع ويبوس إيديكي
دي قسوتك حنين
قبلة للشرق يا مه
وحدة ليوم الدين
قتلاني الغربة يا مه
دايب عشق وحنين
بسم الله الرحيم
يحضني جناح فؤادك
أسمع صوتي ف سكاتك
ويقول قلبي الحزين
لو يوم يكون مماتك
يبقى يا رحمن رحيم
ع القدس وفلسطين
وهيفرحوا الشامتين
بسم الله الرحيم
تكبر جنة فؤادك
قلبي آهو رفرف وجالك
بسم الله الرحيم
يشرب م الحب يا مه
عطشان لنهر النيل
وعيونك سلسبيل
وابنك أحمد زويل
بسم الله الرحيم
الميم عشقت هوانا
والص صبرت معانا
والرة رضا الغاليين
حلوة أو مرة يا مه
جنة للعالمين
بسم الله الرحيم
على إسمك ويا رسمك
سمى صلاح الدين
على أزهرك وجيشك
والله يزيدك يعين
بسم الله الرحيم
يا بلادي يا حرة يا مه
يا عروسة ف أحلى لمه
زادنا في الحب همه
يا قلب بين ضلعين
الله يزيدك يعين
باسم الله الرحيم

مصر يا فرحة يا نفس مسامحة
علمي ابنك معنى الفرحة
معنى الحب إزاي هيعيش
محلا الحب ده غيره ما فيش
والأديان للمولى أكيد
يوم الوحدة ده يوم العيد
مصر يا فرحة يا نفس مسامحة
محلا يا مصر قيمة إنسان
يغزل حب بشوق وحنان
ويشاور للفرحة اتجيله
يروي الحب شجر مواويله
مصر يا فرحة يا نفس مسامحة
يا عروسة الفستان والطرحة
يزرعوا جوا القلب الفرحة
وعمر المصري ما يبقى وحيد
بالأحضان والعزم يزيد
غصن زتون من غير تنهيد
سما ونجوم فرحانة وسارحة مصر يا فرحة يا نفس مسامح

من غير كلام
من غير كلام بارمي السلام
واسأل أنا بدر التمام
أزاي بيقدر ع الخصام
من غير كلام
باحلف بشوقي وبالغرام
واحشني نور الابتسام
والبعد عنه يا ناس حرام
من غير كلام
فين بس أيام الهيام
وطيف حبيبي أنا والأحلام
من غيره تبقى الدنيا ضلام
من غير كلام
تغرق سنيني في بحور أنيني
بالدمع تبكي وآه يا عيني
من ناره شوقي ودموع حنيني
تتمنى يرجع في يوم يجيني
من غير كلام يرمي السلام
على نبض قلبي يشرب كمان
من بحر حبي مليان حنان
وعيونه تهدي لقلبي أمان
من غير كلام نرمي الخصام
نرجع لحبنا والأيام
تحلف بحبنا للأوهام
حبك حقيقة مش بس كلام
كده والسلام
من غير كلام

نفسي بتضحك عليا
ومين يضحك عليها
تاهت م الشوق عنيا
والشعر ف قوافيها
يبكي المر عليا
لو يوم تقسى عليا
أرجع وأحن ليها
نفسي وغالية عليا
دي بالدنيا وما فيها
نفسي بتضحك عليا
وأنا من كتر الأسية
بعت الدنيا ومافيها
لويوم مديت إيديا
تجني الشوك من إيديها

أم الشهيد
قلبي الحزين رايح
يتصافى ويصالح
للأهل ويسامح
يصرخ وكله أنين
يشكي لصلاح الدين
من أمة همومها واحدة
وف نفس الدم وحدة
شربت من دم يا سر
ودمروا فلسطين
دم الياسر بيسأل
على مين الدور ده مين
يامايا ياأم يا سر
لصراخك نار تنادي
وسال دمي ف بعادي
ينادي عليكي يامه
وأنا قلبي بيفدي أمة
ياأمه افرحي واستمحي
ربك بصبرك تفلحي
ابنك شهيد وماهوش وحيد
يامه افرحي
الفرح جاي هنا من بعيد
م الأقصى يامه بيتولد
مليون شهيد
أرواح بتحضن بعضها
أرواح وغزة ف قلبها
ها تروح ترجع مجدها
يمكن يلين قلب الحجر
يا مايا ابنك انتصر
وبيه بلاده تفتخر
والأقصى يا أمه هينتصر